الكولجي فالح ……!!
فالح الفياض مسؤول أمن العراق الوطني
من دخلت داعش بالهرونات
وبوقته التفتن بالتفجيرات وصل لل C4
مخازن الأسلحة طوقت بغداد والمحافظات
مصانع السلاح تجاوزت عدد التورنات بالعراق
العصابات تجاوزت تعداد العاصمة
معامل المخدرات طرحت ماركات للتصدير بعد الأكتفاء الذاتي ..
رئيس الحشد والأمن الوطني ومع ذلك خلوه يسوي حزب وزرعوه بقائمة العبادي وتحت عبايته حصل على مقاعد ونواب..وطفر بتخطيط مسبق من البعض على اساس تمريره لمنصب رئيس الوزراء العراق المقبل ….ويصير هجوم وماعرف بالتالي راح يتحول إلى كولجي….
ويصير اللعب عليه تگ گول………..!
افترت عليهم من دخل عادل عبد المهدي عالخط ..
من صارت صدگ الجماعة دارو عيونهم على الداخلية لأن هاي الوزارة بالذات العمود الفقري لأي بلد ..واي جهة مشبوهه تريد تمسك الأرض عينها على هالوزارة ..
لذلك طرحوا اسم خيال المآتة …
عادل عبد المهدي وافق على الفياض ..وجهزوا الفياض
لأستلام منصب وزير الداخلية ..طلعلهم سيد مقتدى صفح…..!
هسه جماعة الفتح عرضوا على السيد مقتدى ان يتنازلون عن كل مناصب الفتح مقابل استلام فالح الوزارة ….!
والسيد قافل لحد اليوم ..
#ليش كل هالهستريا على هذا الرجل بالذات .
#الجواب لأن فالح الشخص الوحيد بالعراق اليتقمص دور المسؤول البس بالأسم وينجح بيه بأمتياز ……!!
اترك تعليقاً